今日試開pop up賣鞋，本來只係想個貨倉有啲人氣，
亦因為買鞋要試 - 未著過呢個牌子係要試嘅，
我喺度開門俾大家，我以為，嗰幾百對鞋啫，好易搞。。。當然只係我以為。
結果，由下午1時起，門鐘開始響。。。
比我想像中多人上來試鞋買嘢，
大家好有秩序，兩個一組試鞋，自動的社交距離，
好有耐心等，互相俾意見，湊埋人哋個小朋友，
捉我傾偈，俾意見我想買啲咩。。。
一地都係鞋，我要消毒，要搵口罩，
數錢，mark 數，雞手鴨腳，
另一頭又要mark網上訂購的單。。。
得嘞，經過今日，我勁咗㗎嘞，
係我特登叫同事我試搞開倉嘅，
我想一手一腳。
做網店，我唔可以淨係指揮同事做，
要知道由頭到尾成個流程。
你點知道，世界明日會點？
做生意，horizontal 同vertical operation都要識 。
今日啲朋友仔好勁，來自香港的東南西北區，
個個自備購物貨咁來，幾大袋咁走，
由$3一個口罩，到十幾磅 一個煲，
加埋大大個鞋盒，照搬走，勁。
賣咗成百對鞋，我一個紙袋都無俾過客，
呢班客好高質素。
我要對一對啲貨，稍後將餘下的貨量post 出來，
所餘無幾，大約30-40對，
我會通知大家明天仲需唔需要開倉，
食啲嘢先。再傾。
#maxihouse #萬事屋 #開倉 #網店經濟
#entrepreneurship #這個新年開得很愉快
Search